Comhghairdeas le buachaillí na Pobalscoile a bhuaigh Sciath Giles le scór Pobalscoil Chorca Dhuibhne 26, An tAonach  17

Thug foireann cispheile na gcailíní ana thaispeántas uathu i mBaile Átha Cliath inniu. Bhí trí chluiche acu agus bhuadar gach ceann díobh. Bhuadar ar St. Andrew’s, Baile Átha Cliath sa chéad chluiche agus ar Choláiste Pobail Ghleann Maghair, Corcaigh sa tarna cluiche. Cluiche cothrom a bhí idir PCD agus Ardscoil na Mara, An Trá Mhór le scór PCD 34, Ardscoil na Mara 31.  Bhíodar go hiontach agus táimid ana mhórálach astu. Tá siad cáilithe anois do leathchraobh na hÉireann a bheidh ar súil san Arena i dTamhlacht Dé Máirt seo chugainn. Nár laga Dia sibh! 

D'fhreastail baill den Choiste timpeallachta ar ocáid in Ostán na Sceilige ar maidin nuair a deineadh fógra oifigiúil rialtais maidir le Páirc Náisiúnta na Mara, Ciarraí.  Is iad na daoine atá sa phictiúir ná An Comhairleoir Breandán Mac Gearailt, An tAire Norma Foley, An tAire Darragh O Brien, An tAire Stáit Malcom Noonan, Ard-stiúrthóir na seirbhíse Páirceanna agus Náisiúnta agus Fiadhúlra Niall O Donnchú agus baill den Choiste Timpeallachta PCD.

Beidh foreann rugbaí PCD faoi 16 1/2 ag tabhairt aghaidh ar an Aonach ar an Déardaoin beag seo, 25ú Aibreán, i Mainistír na Féile @ 12:00 meán lae. 

Go n-éirí libh!

Tá bonn na Mumhan sa chaid buaite ag Sadhbh Ní Shlattara, Jessie Ní Loinsigh agus Róise Ní Ghairbhí. Fuair cailíní Chiarraí faoi 16A an ceann is fearr ar fhoireann Chorcaí i gCluiche Ceannais na Mumhan inné. Comhghairdeachas libh. Táimid an-mhórlach asaibh.

Is iad buachaillí Chorca Dhuibhne seaimpíní Iarthar na Mumhan faoi 16 bliana. Comhghairdeachas libh!

Fuair cailíní Chiarraí faoi 14A an ceann is fearr ar fhoireann Phort Láirge i gCluiche Ceannais na Mumhan ar an Satharn.  Bhí Aoife Wright, Bláthnaid Ní Shúilleabháin agus Máíre-Eilís Nic Gearailt ar an bhfoireann bhuachach. Tréaslaímid libh agus táimid an-mhórlach asaibh. 

Comhghairdeas ó chroí le buachaillí RCD a bhuaigh cluiche ceannais Iarthar na Mumhan faoi 14 sa rugbaí.

Tá an Craobh Náisiúnta Chlár na gComhlachtaí buaite ag Glan go Glas Pobalscoil Chorca Dhuibhne. Tá Oisín Ó Dubhda, Cian Ó Gallachóir, Katie Ní hÉanacháin, Riona Ní Ghealbháin agus Kate Ní Shúilleabháin cáilithe anois do Chraobh na hEorpa a bheidh ar siúl i Sicil na hIodáile. Comhghairdeas ó chroí. Táimid an-mhóralach asaibh. Tréaslaímid leis na múinteoirí, Trish Uí h-Éanacháin agus Paula Ní Dhubháin, a chabhraigh leo.

Thug foireann chispheile na gcailíní bliain a haon ana-thaispéantas uathu inné. Bhuaigh siad dhá chluiche as trí. Bhuadar i gcoinne Mount Anville agus Loreto Cluain Meala. Chailleadar le dhá phointe i gcoinne Coláiste Treasa, Ceann Toirc.  Ná bac san, a chailíní, beidh lá eile ag an bpaorach!