Displaying 1-10 of 1273 results.

Iriseoir Maitiú Ó Coimín

Created : 24 Feb 2025, 2:30 PM
Archived : 24 Apr 2025, 12:00 AM

Maitiú Ó Coimín - Iriseoir - Tuairisc.ie

Buíochas ó chroí leis an iriseoir, Maitiú Ó Coimín as labhairt le daltaí na cúigiú bliana inniu agus as a chuid eolais luachmhar a roinnt leo faoi na meáin chumarsáide, saol na hiriseoireachta, cúrsaí nuachta agus scríbhneoireachta. Bhí sé thar a bheith suimiúil agus spreagúil.

Míle buíochas chomh maith le hOidhreacht Chorca Dhuibhne agus Tobar Dhuibhne as an seisiún iontach seo a eagrú dúinn.

Hope Guatemala

Created : 19 Feb 2025, 4:07 PM
Archived : 19 Apr 2025, 12:00 AM

Tá coiste Hope Guatemala fíor bhuíoch ar fad do Thiernan Ó Curnáin agus do Dharragh Ruiséal a bhailigh €146 ag margadh bl4 roimis na Nollag. Gura fada buan sibh!

Focus Ireland

Created : 19 Feb 2025, 3:51 PM
Archived : 19 Apr 2025, 12:00 AM

Bail Ó Dhia ar bhl4 a bhailigh €1573 ar son Focus Ireland. Táid chomh tógtha leis an scoil...d'fhanadar thar oíche!! Gan codladh!! Thacaigh cailíní ATF leo leis. Lean oraibh leis an dea-obair bl4!

Laochra Am Lóin

Created : 10 Feb 2025, 3:20 PM
Archived : 10 Apr 2025, 12:00 AM

Laochra Am Lóin

Ba í Muireann Nic Amhlaoibh a bhí linn mar aoi-speisialta don Laochra Am Lóin is déanaí a bhí eagraithe ag Tobar Dhuibhne agus Coiste Gaelainne na Pobalscoile.

Is amhránaí agus ceoltóir traidisiúnta í Muireann agus tá mórán gradaim bainte amach aici, ina measc Amhránaí na Bliana ag na RTÉ Radio 1 Folk Awards i 2022.

Is láithreoir teilifíse agus raidió í Muireann do leithéidí RTÉ 1, TG4, RTÉ Radio 1, RTÉ Raidió na Gaeltachta agus BBC Alba chomh maith, agus cuireann sí a clár féin “Folk on One” i láthair ar RTÉ Radio 1.

Bhain na daltaí an-taitneamh as a bheith ag éisteacht léi.

Comórtas Labhairt na Gaelainne

Created : 10 Feb 2025, 3:00 PM
Archived : 10 Apr 2025, 12:00 AM

Comórtas Labhairt na Gaelainne

Tá spotduais na seachtaine, dearbhán do Centra agus ticéad go dtí an chéad Laochra Am Lóin eile buaite ag Emily Ní Phiogóid i mBliain 1. Buíochas le Méabh Ní Shé agus Sophie Ní Ghrifín a d'eagraigh an crannchur.

ATF Gruaig agus Scéimh

Created : 06 Feb 2025, 5:01 PM
Archived : 06 Apr 2025, 12:00 AM

Míle buíochas le daltaí ATF a chuir go mór le seó bl4 nuair a thug siad go gairmiúil faoin nGruaig agus Scéimh chun na haisteoirí a chóiriú chun stáitse. Ar fheabhas!

Scléip PCD sa Helix i mBÁC

Created : 06 Feb 2025, 4:44 PM
Archived : 06 Apr 2025, 12:00 AM

Tá PCD ana mhórálach ar fad as gach duine a ghlac páirt i Scléip 2025 sa Helix i mBÁC, daltaí réamhscrúduithe ach go háirithe. Comhghairdeas ar leith le beirt a bhain príomhghradam amach, Sadhbh Nic Fhlionn bl2 sa rannóg sóisear agus Theo Ó Coileáin a bhain an chéad áit amach sa rannóg sinsear. Mo cheol sibh! Húp!

Mionúr na gCailíní

Created : 04 Feb 2025, 4:27 PM
Archived : 04 Apr 2025, 12:00 AM

In ainneoin na drochaimsire, bhí bua iontach ag cailíní PCD F14 go leith i gcoinne Meánscoil na Trócaire Cnoc an tSeabhaic inniu. Ar fheabhas ar fad! Nár lagaí Dia sibh!

Eimhín agus Eimear go Céinia

Created : 04 Feb 2025, 11:53 AM
Archived : 04 Apr 2025, 12:00 AM

Is sinne Eimear Ní Chonchúír agus Éimhín Dalby agus táimíd ag déanamh obair dheonach i gCéinia le CARA Projects. Bunaíodh CARA Projects in 2008. Tá sé bunaithe i Nairobi, sa Chéinia. Tacaíonn sé le mná agus cailíní óga atá ag fulaingt tar éis ionsaí gnéis nó ó ghalair ar nós VEID (HIV), confadh (rabies). &rl. Táimid ag eitilt ann ó BhÁC ar an 16ú Feabhra agus táimid le coicís a chaitheamh ann.

Tá sé mar aidhm againn cabhrú i ngach slí gur féidir linn agus gach rud is féidir linn a dhéanamh ar son na mban.

Táimid an-bhuíoch as gach síntiús a tabharfar don charthanacht. Caithfimid €5000 a bhailiú.

Tar go dtí an Tráth na gCeist Boird le tacaíocht linn le do thoil.

Go raibh maith agat….Eimear agus Éimhín.

Laochra ar lár

Created : 01 Feb 2025, 9:03 PM
Archived : 01 Apr 2025, 12:00 AM

Blaiseadh do Cheoldráma na hIdirbhliana a bhí ar siúl i rith na seachtaine!

Fís iomlán le teacht...

vimeo.com/1052639270