Displaying 1091-1100 of 1228 results.
SIANSA GAEL LINN 2019
Created : 21 Dec 2018, 10:47 AM
Archived : 21 Feb 2019, 12:00 AM
Tá ‘Ceoltóirí Duibhneach’, Pobalscoil Chorca Dhuibhne roghnaithe le bheith páirteach sna ceardlanna le Muireann agus le Bernadette Nic Gabhann ar lá amháin idir 8 Feabhra agus 11 Feabhra 2019. Na daltaí atá i 'Ceoltóirí Duibhneach' ná Aibhín Starr Ni Bheaglaoich, Ciarán Mac Gearailt, Mairtin Ó Cathasaigh agus Tríona Ni Shúilleabhain ó Bhliain 6, Eoghan MacGearailt agus Liam Ó Beaglaoich ó Bhliain 4 agus Katarina Nic Roibeard agus Josh O Braonain, Bliain 2. Go n-éirií libh!
Nollaig Shona agus Beannachtaí na Féile uainn anseo i bPobalscoil Chorca Dhuibhne!
Created : 21 Dec 2018, 10:09 AM
Archived : 21 Feb 2019, 12:00 AM
Corn Uí Shúilleabháin buaite ag PCD!
Created : 17 Dec 2018, 4:14 PM
Archived : 17 Feb 2019, 12:00 AM
Cluiche Ceannais Chorn Uí Shúilleabháin buaite ag PCD! PCD 1:12, Pobascoil Shliabh Luachra 0:11. Comhghairdeachas lenár n-imreoirí agus lenár traenálaithe! PCD abú!
Ag bailiú do Chernobyl
Created : 07 Dec 2018, 10:11 AM
Archived : 07 Feb 2019, 12:00 AM
Tá comórtas greannmhar curtha ar bun ag Éabha Ní Neachtain agus Treasa Ní Bhriain ó Bhliain 5 chun airgead a bhailiú do Chernobyl. Beidh ar gach múinteoir pictiúr a thabhairt isteach doibh féin nuair a bhíodar beag (caithfidh sé a bheith istigh i gcomhair Dé Luain). Íocfaidh daltaí agus múinteoirí €2 chun buille faoi thuairim a thabhairt faoi cé atá sna pictiúirí agus an múinteoir ceart a mheaitseáil leis an bpictiúr ceart! Tacaíg leis an bhfeachtas seo!
Feachtas bailithe airgid do Rugbaí na Scoile
Created : 07 Dec 2018, 10:05 AM
Archived : 07 Feb 2019, 12:00 AM
Bhí díolachán cístí ag buachaillí Bhliain 1-3 am sosa agus am lóin Dé Céadaoin. Tá siad ag díol ticéadaí faoi láthair, €1 an líne agus tá duaiseanna maithe le buachtaint. Tá duais ann don díoltóir is fearr!
Bráisléidí na Nollag ag Clodagh
Created : 06 Dec 2018, 10:21 AM
Archived : 06 Feb 2019, 12:00 AM
Tá bráisléidí deasa á ndíol ag Clodagh Ní Shlataire i gcomhair na Nollag. €5 an ceann atá orthu agus tá siad beagnach ar fad díolta faoin dtráth seo! Ana-bhean gnó is ea í, bail ó Dhia uirthi.
Díospóireachtaí Uí Chadhain
Created : 06 Dec 2018, 10:19 AM
Archived : 06 Feb 2019, 12:00 AM
D'éirigh leis an bhfoireann sóisear sna Díospóireachtaí inné. Beidh siad ag dul ar aghaidh go dtí Craobh na hÉireann ag deireadh mhí Eanáir. Bail ó Dhia orthu! Maidir leis an bhfoireann iontach sinsir - ní raibh faic eatarthu féin is an fhoireann a bhuaigh orthu. Tréaslaímid leo as an dtaispeántas thar barr a dheineadar inné.
Corn Uí Shúilleabháin
Created : 06 Dec 2018, 10:14 AM
Archived : 06 Feb 2019, 12:00 AM
Bhí cluiche Corn Uí Shúilleabháin ar siúl inné agus bhuaigh PCD le dhá phointe. Beidh siad ag dul ar aghaidh go dtí an babhta ceannais. Dáta le cinntiú. Go n-éirí leo!
Other Voices
Created : 06 Dec 2018, 10:11 AM
Archived : 06 Feb 2019, 12:00 AM
Bhí ana-bhaint ag PCD leis an bhféile Other Voices i mbliana. Ar an Aoine 30 Samhain, tháinig Dáithí Ó Drónaí isteach chugainn chun ceolchoirm a chur ar siúl dúinn. Bhí grúpa timpeall 27 dalta ó Bhliain 4, 5, 6 ag obair don bhFéile i rith an deireadh seachtaine agus anuas air sin bhí ár gceoltóirí féin páirteach sa Music Trail. Bhí an grupa Togra ag seinnt i Murphy's Ice Cream ar an Satharn agus bhí an grúpa traid Ceoltóirí Duibhneach ar an Trail chomh maith. Tá oiread seans linn a bheith ag marachtaint sa Daingean, áit chultúrtha, cheolmhar, gan trácht ar an mbua agus an talann atá ag ár ndaltaí féin!
Scléip ar Scoil!
Created : 20 Nov 2018, 3:25 PM
Archived : 20 Jan 2019, 12:00 AM
Bhí cur i láthair ceoil agus rince do Bhliain 1 ar siúl tráthnóna inniu. Go n-éirí libh amárach ag Scléip na Mumhan. #oideachasceoil #bíagceol